蘇玉華（阿蘇）入行多年，演出過很多不同角色，不過豪放、性感的角色，電視觀眾似乎還未見過，除了電視尺度限制外，阿蘇本身也有點心理障礙，不過在舞台上，她不介意爆粗或談性，可謂有咁放得咁放！

阿蘇表示面對鏡頭做戲與站在舞台做戲是兩回事，說到拍裸露戲，阿蘇即笑說：「唔會有人搵我拍呢o的o卦！唔好講著幾多衫，舞台上我真係唔抗拒，可以放o的，多極都係幾萬人睇，但係電視劇可能會有百幾萬觀眾收睇喎！心理上始終好唔同。」

但阿蘇曾在舞台劇《蝦碌戲班》中演過「波大冇腦」的角色：「做o個陣我淨係著住內衣褲跑上跑落，o的朋友都戥我擔心，不過我做o個陣就完全冇障礙。o係《蝴蝶君》我又要講粗口，又要同男主角討論性器官，不過o的朋友睇完都淨係識笑，一來我從來唔講粗口，二來我不嬲o係劇團都係演乖乖女o架嘛！」事實上，就算一個怎樣專業的演員，都有自己的「關口」。

學識尊重更開心

阿蘇是一個專業的演員，對自己要求很高，不過她坦言現在沒有以前那麼執著：「以前對自己要求高，對人o地要求亦好高，其實係一件好辛苦o既事，因為好多o野根本唔到你控制，依家學識點樣尊重人o地o既自由，最緊要活得開心！」