在《美女廚房》中大熱勝出的蘇玉華，連同強勁對手楊崢及其他四強，均是娛樂圈中的美女廚神，其實各人得成正果，並非一朝一夕的事，而是要經過一段入廚奮鬥史，才能達到用 「食」將心偷！

憑著廚藝驚為天人的蘇玉華（阿蘇），在節目《美女廚房》中奪得廚神之冠！這位入得廚房出得廳堂的女子，在家中排行第四，因父母工作的關係，自五年級十歲開始便擔起煮飯婆的重任。除獲母親自傳授基本烹飪知識外，這條「廚路」全靠其天分自我摸索。在多番亂煮亂撞，終讓阿蘇煮成大器！

阿蘇本身也非常享受煮食過程，家傳菜式「炒墨魚筒」，更食到朋友舔?！她說：「落蒜頭起鑊，放墨魚茼炒到墨汁都出晒o黎，呢o的墨汁咪睇佢黑麻麻，食到成棚牙黑晒，其實呢o的墨汁至係精華，好鬼鮮味！早排我去食西班牙菜，先發現我呢味蘇家秘菜原來o係西班牙都有得食！」

男友彈唔掂
阿蘇在節目中靠煮中菜出位，但原來其拿手好菜是煮海鮮西餐，由伴碟到檯上擺設，阿蘇都非常講究，她認為一碟色香味俱全的菜，確實令二人撐檯腳時，增添不少浪漫氣氛！

雖然一班男主持被她手勢俘虜，但她不認同煮得一手好菜可以綁住男人的心，因為她的男友就是唯一一個會彈她廚藝的高手。阿蘇說：「我上完《美女廚房》之後，佢畀o的同事猛問：『乜你女友煮o野咁叻o架！』但佢話：『係囉！我唔睇都唔知！』」反應冷淡，皆因男友也是廚藝高手。她說：「佢煮o野都好叻，雖然佢係唯一會彈我o既人，但見我獎，佢都戥我開心，o個晚佢仲拎住我贏番o黎o個廚神皮帶戴o係自己個身。」

成為娛樂圈廚神後，即有出版商找阿蘇出書，在事業上開闢多一條新路：「我唔係單單教人煮，仲會分享生活品味，因為我好注重餐桌布置。」