說 蘇 玉 華 是 低 調 的 人 ， 相 信 沒 有 人 反 對 ， 出 道 12 年 來 鮮 有 緋 聞 或 是 非 。 她 總 是 默 默 耕 耘 ， 經 過 多 年 努 力 ， 終 於 在 無 線 劇 集 《 奪 命 真 夫 》 中 擔 正 。 公 仔 箱 、 話 劇 界 兩 邊 走 ， 蘇 玉 華 遇 到 的 對 手 都 屬 於 演 技 派 ， 談 到 印 象 最 深 刻 的 男 演 員 ， 她 首 選 梁 家 輝 ， 還 笑 言 若 世 界 上 有 兩 個 家 輝 ， 她 一 定 「舌累 」 飯 應 嫁 給 他 。

論 盡 男 對 手

蘇 玉 華 出 身 於 演 藝 學 院 表 演 系 ， 受 過 正 統 演 技 訓 練 ， 早 被 認 定 為 演 技 派 ， 由 舞 台 劇 界 跳 到 電 視 圈 ， 甚 至 乎 電 影 界 ， 她 遇 過 不 少 伯 樂 ， 令 其 演 藝 事 業 更 上 一 層 樓 。 愛 用 「 有 福 氣 」 來 形 容 自 己 的 蘇 玉 華 ， 自 覺 比 人 有 更 多 機 會 ， 遇 到 的 對 手 均 非 泛 泛 之 輩 。

劉 松 仁 神 秘

談 到 合 作 過 的 男 對 手 ， 一 向 內 斂 的 她 也 情 不 自 禁 高 呼 「 幸 運 是 我 」 。 她 第 一 個 就 提 起 梁 家 輝 ： 「 我 一 開 始 已 經 俾 佢 迷 倒 ， 覺 得 佢 好 正 ， 我 感 覺 到 家 輝 太 太 同 佢 兩 個 女 都 好 幸 福 ， 佢 個 人 好 有 heart ， 好 熱 情 ， 無 論 對 工 作 、 家 庭 定 係 生 命 ， 份 熱 血 係 可 以 佢 身 上 感 覺 到 ， 好 值 得 人 去 學 習 ， 係 我 做 戲 之 外 學 到 。 佢 呢 類 人 好 似 恐 龍 咁 ， 絕 晒 種 ， 所 以 同 佢 合 作 真 係 好 開 心 ， 如 果 呢 個 世 界 有 第 二 個 梁 家 輝 ， 我 一 定 舌累 飯 應 嫁 畀 佢 。 」

印 象 中 ， 劉 松 仁 是 近 年 跟 蘇 玉 華 合 作 最 多 的 拍 檔 ， 在 她 眼 中 ， 松 哥 是 一 個 異 常 神 秘 的 人 ， 她 說 ： 「 如 果 唔 熟 松 哥 ， 會 覺 得 佢 好 難 接 近 ， 畀 人 感 覺 好 cool ， 但 係 熟 絡 o左， 就 可 以 分 享 好 多 o野 。 松 哥 對 朋 友 好 好 ， 佢 都 話 做 佢 朋 友 最 幸 福 ， 因 為 佢 會 無 條 件 幫 朋 友 ， 我 o地 係 朋 友 ， 所 以 佢 對 我 好 好 。

「 松 哥 教 我 好 多 關 於 演 戲 方 面 o既 o野 ， 好 似 知 道 要 拍 《 男 人 之 苦 》 咁 ， 未 收 到 劇 本 ， 佢 已 經 打 畀 我 ， 同 我 討 論 個 角 色 應 該 點 演 ， 佢 係 個 好 易 投 入 角 色 世 界 o既 人 ， 拍 攝 現 場 佢 就 係 大 家 o既 精 神 領 袖 。 」

溫 兆 倫 衰 格

蘇 玉 華 第 一 次 擔 正 做 女 主 角 的 劇 集 是 《 奪 命 真 夫 》 ， 夥 拍 林 保 怡 和 溫 兆 倫 ， 她 覺 得 很 有 挑 戰 性 ： 「 個 劇 本 寫 到 每 個 角 色 都 好 有 發 揮 ， 好 懸 疑 ， 大 家 都 會 追 住 睇 ， 保 怡 畀 我 印 象 好 好 ， 雖 然 唔 係 好 熟 ， 但 唔 知 點 解 好 有 默 契 ， 可 以 話 係 一 拍 即 合 ， 好 夾 ， 大 家 都 好 信 任 對 方 ， 唔 會 怕 對 方 搶 戲 。 至 於 溫 兆 倫 ， 佢 其 實 幾 好 人 ， 對 我 幾 好 ， 不 過 佢 做o的 衰 格 賤 佬 ， 真 係 好 似 、 好 入 戲 ， 你 見 到 真 係 想 打 佢 。 」

至 於 時 下 新 人 ， 蘇 玉 華 對 他 們 有 以 下 忠 告 ： 「 其 實 演 藝 界 係 冇 方 程 式 o既 ， 呢 個 世 界 又 有 幾 多 個 馮 寶 寶 ？ 演 戲 係 要 靠 磨 練 ， 同 新 人 合 作 ， 有 時 佢 o地 唔 知 自 己 做 乜 ， 又 講 唔 到 ， 又 聽 唔 到 ， 做 戲 最 重 要 係 聽 同 講 ， 要 留 心 聽 對 手 點 講 ， 先 可 以 投 入 。 講 ， 除 o左 懶 音 ， 仲 要 知 道 點 樣 講 ， 先 可 以 表 達 到 你 想 表 達 o既 情 感 ， 講 得 唔 好 就 講 唔 到 個 意 思 同 感 覺 ， 所 以 係 要 花 工 夫 ， 唔 可 以 淨 係 帶 住 個 軀 殼 。 」

吳 卓 羲 OK

《 男 人 之 苦 》 有 兩 個 偶 像 新 人 ， 蘇 玉 華 說 ： 「 吳 卓 羲 都 唔 算 新 人 ， 我 覺 得 個 角 色 好 o岩 佢 做 ， 做 得 比 我 想 像 中 好 ， 我 未 見 過 吳 卓 羲 做 喜 劇 ， 覺 得 OK 。 Toby （ 梁 靖 琪 ） 就 真 係 新 人 ， 佢 好 有 禮 貌 同 埋 好 肯 問 ， 呢 個 係 新 人 應 有 o既 態 度 ， 總 好 過 遲 大 到 ， 又 以 為 自 己 好 叻 ， Toby 第 一 次 做 戲 ， 都 算 交 到 貨 。 」

笑 談 男 女 之 苦

《 女 人 唔 易 做 》 講 女 人 不 易 為 ， 提 倡 時 代 女 性 要 自 立 自 主 ， 之 後 又 有 《 男 人 之 苦 》 講 男 人 的 困 難 ， 要 為 男 人 大 平 反 。 原 來 在 蘇 玉 華 眼 中 ， 男 人 的 確 苦 ， 她 說 ： 「 正 所 謂 男 兒 有 淚 不 輕 彈 ， 男 人 好 多 時 有 苦 自 己 知 ， 唔 會 同 人 講 ， 又 唔 想 畀 人 知 ， 所 以 冇 渠 道 去 宣 洩 ， 而 且 男 人 天 生 o係 社 會 上 唔 可 以 軟 弱 ， 要 擔 起 頭 家 。 」

扭 轉 傳 統

傳 統 思 想 ， 男 人 是 應 該 賺 錢 養 妻 活 兒 ， 女 人 要 相 夫 教 子 ， 傳 宗 接 代 ， 蘇 玉 華 覺 得 在 21 世 紀 ， 應 該 是 反 傳 統 的 ， 她 說 ： 「 我 覺 得 可 以 調 換 角 色 ， 女 人 出 去 賺 錢 ， 男 人 可 以 洗 衫 煮 飯 湊 仔 ， 畀 佢 o地 試 o下 做 家 務 係 乜 o野 滋 味 ， 知 道 湊 仔 幾 辛 苦 ， 咁 樣 就 知 道 女 人 有 幾 唔 易 做 。 」 蘇 玉 華 眼 中 的 女 人 ， 又 是 怎 樣 ？ 她 說 ： 「 呢 個 時 代 唔 同 ， 女 人 開 始 抬 頭 ， 好 獨 立 ， 有 經 濟 能 力 ， 又 有 學 識 ， 隨 時 可 以 取 代 男 人 ， 所 以 女 人 都 有 好 大 負 擔 ， 女 人 真 係 唔 易 做 。 」

舞 台 之 后 放 異 彩

蘇 玉 華 是 第 四 屆 演 藝 學 院 畢 業 生 ， 畢 業 後 加 入 香 港 話 劇 團 。 94 年 在 舞 台 劇 《 我 和 春 天 有 個 約 會 》 飾 演 鳳 萍 。 95 年 獲 無 線 賞 識 邀 加 盟 ， 拍 過 劇 集 如 《 婚 前 昏 後 》 和 《 衝 上 雲 霄 》 等 ， 但 都 是 些 二 線 角 色 ， 反 而 在 舞 台 劇 上 大 放 異 彩 ， 如 02 年 在 《 新 傾 城 之 戀 》 中 飾 演 白 流 蘇 ； 03 年 更 憑 高 行 健 編 劇 的 《 生 死 界 》 在 第 12 屆 舞 台 劇 頒 獎 禮 中 奪 得 最 佳 女 主 角 （ 悲 / 正 劇 ） 。 去 年 在 無 線 劇 集 《 奪 命 真 夫 》 中 終 於 登 上 女 主 角 寶 座 ， 劇 集 叫 好 叫 座 ， 而 在 剛 播 映 完 的 《 男 人 之 苦 》 中 ， 她 飾 演 劉 松 仁 妻 子 德 蕎 一 角 也 備 受 好 評 。