蘇玉華(阿蘇)擔綱演出的《男人之苦》被指對白露骨，有四級成分，於紐約返港的阿蘇亦摸不著頭腦，她認為這是一套很現實、生活化的劇集，不過說到男女問題，阿蘇則嘆謂：「其實男人同女人真係溝通唔到，分別o係兩個星球o黎o架﹗」

劇集播映時，阿蘇正在紐約度假中，返港後她即時問不同年齡家人的意見，她說：「我睇番個劇都唔係色情，究竟佢o地知唔知乜o野o係四級？」劇中的情節緊貼現實，例如男人覺得上床可以解決問題，女人就覺得要先解決問題先可以上床。」

十一年相處靠坦白

對於男和女這天性的分別，阿蘇有另一套見解：「男同女來自兩個唔同星球，所以溝通唔到，發生問題時，男人需要獨處，但女人就o岩o岩相反，要搵人傾訴。一對情人成日嗌交都係因為男人成日唔聽女人講o野，所以一對夫婦白頭到老實在好難得，可以擺得入博物館！」

阿蘇與其男友已相處了十一年之久，問到二人相處之道時，她說：「大家唔係靠容忍，乜o野我o地都會坦白攤出o黎講。我可以忍，但到某一個位，就會爆發得好犀利，相反我o既另一半就好忍得，好冷靜，就正因為咁，所以我自動自覺少發脾氣。(平時鬧完交邊個乙水番邊個先？)兩個都有，我份人講道理，我會話畀佢知點解唔開心，唔鍾意o的乜，佢亦會講番佢o既意見，不過講真，男人同女人相處o個份藝術，難度實在太高呢！」