蘇玉華、劉松仁早前為無線新劇《男人之苦》拍攝一場濕身戲，由於當日天陰大風，氣溫只有攝氏十度左右，拍攝期間兩位主角都凍到震騰騰，淋足三個鐘頭都無任何怨言，認真專業

蘇玉華說：「今日劇情講我同松哥o係風雨中?緊車去辦離婚手續，點知半路中途架車爆胎，佢主動落車幫我換胎，期間知道佢原來仲鍾意我，跟住取消離婚念頭，劇情峰迴路轉，真係好特別。(淋o左幾個鐘頭先係咪好凍?) 真係好凍，前兩日天氣回暖，估唔到今日拍濕身戲o既時候，又突然翻風、陰天，仲以為會好熱，所以都冇準備o的保溫用品，淨係得條毛巾抹身，好過冇啦。」

多災多難

蘇玉華又透露近期十分「黑仔」：「雖然我未試過o係落雨o既時候爆胎，冇咁好彩，但係呢排我架車都多災多難，唔係撻唔著就行行o下爆胎，真係黑仔，可能架車都差唔多有六年車，係時候要大check先得。」

《男人之苦》的故事內容講述夫妻相處之道，令蘇玉華悟出不少人生道理，問她可有打算結婚？她擰擰頭表示：「現時以事業為主，感情o既o野隨緣啦！」