較早前無線劇集《潮爆大狀》主要演員鄭少秋、蘇玉華、唐寧及向海嵐、在皇后碼頭進行拍攝。秋官(鄭少秋)透露是首次與劇中的演員合作，但蘇玉華及向海嵐的演戲技巧卻大有分別。

當日拍攝劇情是秋官因犯法被判社會服務令，由蘇玉華監督，他要在街頭慈善義賣履行服務令，但秋官被兩隻小狗屙糞在鞋面，令秋官非常氣憤。由於兩隻小狗非常得意，未正式埋位時，蘇玉華與向海嵐齊齊玩狗。

鄭少秋(秋官)與蘇玉華(阿蘇)首次碰頭做對手戲，在無線新劇《非常大狀》中合作演出，秋官猛向靚女送高帽，阿蘇亦回敬指秋官風趣幽默死女。

秋官一向與女性有緣，最近他在新劇《非常大狀》中，就首次與阿蘇、向海嵐合作，對於兩位靚女，秋官施展一貫的紳士風度，讚不絕口：「蘇玉華o係演藝學院受過正統訓練出o黎。好理論化，好有道理，係正宗o既學院派。向海嵐雖然冇受過乜o野特別訓練，但好有天分，好難得冇學過都做得有板有眼，佢o地各有各o既好處，一個理性，一個感性。」

「係男人就多o野學」

對於秋官的讚美，阿蘇猛話唔敢當：「都唔係話咩學院派，點都要活學活用至得，唔係得個講字。」阿蘇多年來都很欣賞秋官這個前輩，可惜苦無合作機會，今次終於如願以償。問她學到甚麼，阿蘇抵死地語帶相關說：「如果我係男人，仲學得多o野啦。(女招數？) 嘻嘻... ... 秋官真係好正，風度翩翩，人又風趣幽默，官仔骨骨咁，死女呀，淨係o個次o係廠見佢著住件睡衣都反起企領，幾『骨子』幾有型呀，就知點解佢幾咁得女仔鐘意啦！」