數 數 手 指 ， 《 傾 城 之 戀 》 舞 台 劇 已 是 四 度 上 演 ， 首 回 於 上 海 新 光 大 戲 院 ， 編 劇 正 是 張 愛 玲 。 61 年 後 范 白 戀 續 燃 ， 《 新 傾 城 之 戀 2005 》 前 日 首 場 獲 各 路 猛 人 支 持 ， 更 有 金 馬 影 帝 謝 君 豪 撐 場 。 首 場 實 況 就 由 我 o地 全 城 首 度 率 先 曝 光 ！ 得 個 睇 字 呻 冇 癮 ？ 最 新 消 息 係 明 年 三 、 四 月 會 原 班 人 馬 再 踏 舞 台 以 饗 向 隅 戲 迷 ， 重 唔 撲 飛 ！

毛 Sir ： 起 新 化 學 作 用

香 港 話 劇 團 首 次 搵 影 帝 梁 家 輝 合 作 ， 今 次 係 家 輝 第 三 次 踏 台 演 出 ， 藝 術 總 監 毛 俊 輝 就 話 對 家 輝 好 有 信 心 ： 「 雖 然 家 輝 舞 台 經 驗 較 少 ， 但 最 緊 要 佢 Enjoy 在 台 上 的 演 出 就 得 ！ 」 同 為 影 帝 的 謝 君 豪 3 年 前 都 演 過 《 傾 城 之 戀 》 ， 邊 個 演 得 好 o的 ？ 毛 Sir 先 後 搵 得 佢 兩 個 演 出 ， 當 然 有 佢 原 因 ： 「 蘇 玉 華 係 好 專 業 好 穩 定 的 演 員 ， 同 家 輝 係 好 理 想 的 組 合 ， 無 論 君 豪 定 家 輝 都 產 生 了 不 同 的 化 學 作 用 。 」

新加插老版白流蘇一幕，添悲涼元素。 秦可凡演來風騷依然。	劉雅麗3年後同樣做歌者，配合歌舞 穿插，今次重加多兩首新歌，有睇頭！

首 演 日 名 人 力 撐

秋官睇足全場，大讚套劇值98分。「現場演繹同拍劇真係好唔同，唔可以NG亦冇得NG，好難得。雖然家輝讀對白有少少『甩Cut』，但都無傷大雅o既！」重話套劇邊演邊唱好特別。	春天製作的高志森到來欣賞好戲， 唔知係咪下次想搵家輝合作呢？
金馬影帝、02年演過本劇的第一代范柳原── 謝君豪，勁讚好睇之餘重話留意唔到家輝食螺絲喎！「好睇！我畀滿分！套劇經過再處理，一定係更加好，更上一層樓。」前為藝術總監毛俊輝。