由梁家輝、蘇玉華同劉雅麗合演o既舞台劇《新傾城之戀 2005》，現時綵排進入最後衝刺，諸事姐去探班，見到演出經驗豐富o既梁家輝竟然老貓燒鬚，唸對白時猛食螺絲，反而要跟家輝上演纏綿戲o既蘇玉華，即使有男友潘燦良監場，就算要佢坐o係家輝大髀，或者畀家輝o既頭放o係佢胸前，亦同樣演得投入，阿蘇話：「可能今日有總監毛俊輝監場，又有人o黎探班，所以家輝有少少緊張，不過舞台劇就係要克服群眾，今次係好好o既訓練，家輝亦即時適應，好快回復狀態。」

日前梁家輝與蘇玉華及劉雅麗為本月中上演的《新傾城之戀 2005 》綵排，飾演范柳原的家輝穿著背心露出健碩身形，與飾演白流蘇的蘇玉華愈演愈纏綿，女的坐在家輝大腿上，家輝將頭倚在她的胸前，一幕又一幕的親熱戲，雖然蘇玉華有男友潘燦良監場，但二人仍演得投入自然，一點都不受影響。

曾演《煙雨紅船》舞台劇的梁家輝，可能「久疏戰陣」今番有點緊張，尤其面對該劇總監毛俊輝監場時，大男人的他也變成一個學生般，緊張得唸對白時數度食螺絲，失手後他用手掩面及鬼馬地伸月利，不過經毛 sir 再細心教路後，他即回復狀態，獲毛 sir 大讚。

明年再o黎

第二次演出《傾》劇的蘇玉華，對手由 謝君豪換上梁家輝，自然感覺截然不同，她說：「佢係另一個范柳原，演繹 方法同君豪係好唔同，可能今日因為有記者探班又有毛 sir 在場，所以有少少緊張，不過做舞台劇係要克服群眾。呢次係鑽石陣容， o 的飛已經一早爆晒，且決定明年三月同家輝原班人馬重演。」