向來形象健康的蘇玉華，最近應邀見証一班中五及中七的未來社會棟樑畢業。Louisa近日憑劇集《奪命真夫》而人氣急升，有學妹fans見到偶像更即時笑不攏嘴，看來開心過畢業！Louisa除親手頒發逾百張畢業證書外，還於台上分享求學時代的趣事，聽得大家入晒神。

今次久別重訪母校，Louisa與不少昔日師長重聚，自然傾到雞啄唔斷，事後Louisa對母校亦讚口不絕：「我覺得學校除o左灌輸課本知識外，更重要係幫學生發掘興趣，好似當年學校搞班際話劇比賽，畀機會我首次踏台板，感受o個股震撼，令我知道自己o既興趣所在！」原來Louisa當年參演的話劇，就是英語版的《神鵰俠侶》，劇中她反串劉德華做的「楊過」，迷倒不少女同學呢！

如遇賤男絕不手軟

另外，最近Louisa擔正的人氣劇集《奪命真夫》，成為不少人的討論熱話，當中慘被「奸」夫再三迫害的Louisa，其遭遇叫人同情，不過她反覺雀躍：「最近好多人見到我都話我慘，不過咁樣反而開心，證明多人捧場嘛！(現實中有冇遇過咁o既賤男？) touch wood 講句，梗係冇啦！如果遇上呢種人，我一係避之則吉，否則就會遇強愈強，還以顏色先得！」