蘇玉華出道至今，可算是正面藝人的紀錄保持者。在公屋長大的她，兄弟姊妹眾多，自幼意識到父母工作辛苦，當兒女要生性做人，故由幼稚園到中學，都是品學兼優的正能量學生。出來工作拍戲亦然，別無其他緋聞輔助，或一招半式出位手段。但願這條極品蘇眉，有天修成正果，當個零負面新聞的「我最喜愛的女主角」。

除了近日在電視上看到蘇玉華為冤獄竭力尋夫，看得觀眾肉緊的《奪命真夫》外，早前她與林一峰也做了一個令全場人看得熱淚盈眶的舞台劇「你今日拯救 o左地球未呀 ? 」透過此劇，她拯救了地球其中一角落 ─ 蘇家。

當晚一家十多人前來捧場，演完後家人入後台，含著淚水的家姐走過來緊緊擁著她，母親也拖著她的手，多年來一家人從不表露的情感，藏在心底的千言萬語，透過劇的訊息：「你的價值觀如何，怎樣對待家人… 珍惜眼前人」，一家人的愛終於流露出來，一夜間關係拉近了許多。

舞台拉近家人關係

蘇玉華在公屋長大，一家九口擠在三百呎的斗室，但溝通欠奉。她說：「我 o地一家人唔鍾意講 o野，返到屋企大家都係各有各，將心事收埋，直至近年先有 o的改變，多 o左聚會亦多 o左說話，係因為我 o地都想珍惜大家，我以前冇對家人表達 o既愛，卻透過舞台劇 o既對白表達晒，我知佢 o地係感受到， o個晚一家人拉近 o左好多。返屋企途中，我一路?車一路喊，我打電話畀舞台劇導演講聲多謝 ! 呢個劇對我意義實在好大。」

年多前，她跟很多人一樣，都在勞勞碌碌的生活中度過，劇接劇，日日朝六至凌晨四點，莫說家人，連同住的男友也無暇見面，乾枯的生活毫無生氣。一個對演戲充滿熱誠的人，意識到演戲開始變成搵食工具時候，是多麼可怕，因為熱誠必須要單純的動機。

她說：「生活唔可以係咁，生活過程 o既每一個風景都唔應該錯過，既然事業家庭愛情每一樣對我 o黎講，就好似 Pizza 一樣，每件都咁重要，那時我開始重新思索我 o 既人生方向，我問自己到底想要 o既係乜 o野 ! 於是我開始重新思索我 o既人生方向，我問自己到底想要 o既係乜 o野 ! 於是我同無線轉傾部頭合約，重新分配我對事業家庭愛情 o既關係，依家至係人生最開心最健康時候，因為生活找到平衡點，恍如重生，終於感覺到自己係生活緊。

拒耍手段做人安樂

有選擇自然賺少了，這個她不在乎，反正她的安全感來自對生命的宏觀，名利與權慾不是她要抓著的東西，更不會花時間去想怎樣上位，就算在停滯不前的時期，也沒想過像其他女星一樣，鋌而走險。

早前為宣傳《奪命真夫》出席水上活動，她罕有地穿上泳衣，結果引來很大的回響，就是不停收到很多傳媒電話，要求她影性感封面，蘇玉華全都拒絕。她說：「我只係配合唔同場合有唔同打扮，唔通著件樽領落水玩咩 ! 或者行性感出位對某些人 o黎講係有用，但有用可能係 一兩個禮拜，我唔覺得可以維持好耐，要我揀我寧願穩穩定定。」

「《大長今》其中有句對白我好認同，佢話唔希望用飲食變成攀附權貴，換取利益 o既途徑，煮食就係煮食，演戲都係一樣，我唔需要用任何手段去換取甚麼，所以我做人好安樂。」

享受同居生活

蘇玉華形容與拍拖九年，在香港話劇團當全職演員的男友潘燦良，是彼此扶持的一對。她說：「佢比我更心思縝密，可彌補我 o既不足，我 o地大部分話題都離不開研究演戲，我 o地都係令對方有進步 o既人。最近發生件開心 o既事，佢o左獎學金，年尾會去紐約深造舞台劇課程半年，聖誕節時我會過去同佢一齊過。結婚？我 o地好尊重婚姻制度，兩個人一齊都係想更快樂，咁我 o地依家已經好快樂，所以暫時冇結婚必要。」