林一峰與蘇玉華一連十六場舞台劇《你今日拯救o左地球未呀?》終於圓滿閉幕。蘇玉華為了能演活一個身患腦癌的癌症病人，她不惜為藝術犧牲，將頭髮剪短，剃了一個skin head 頭演出，而她與一峰於劇中的一段父女情，亦令人十分感動。

閉幕演出當日，更因藝術中心冷氣出現問題，現場傳出陣陣燒焦的味道，要令演出順延三十分鐘。謝幕時齊齊為劇中一位飾演爺爺的女演員大唱生日歌賀生日，令氣氛十分依依不捨。

壓抑情緒

一峰對於成功演出十六場十分開心，更謂為了今次演出，他跟蘇玉華可謂身心受傷，他說：「蘇玉華o係劇入面成日跌，撞到瘀晒同損晒，佢又剃頭，而我就停飲一個月咖啡，精神壓力好大。」一峰更大讚蘇玉華專業，他說：「我以前都好欣賞佢，雖然今次先係第一次合作，但合作完簡直佩服到五體投地，學到好多o野。」一峰更謂演出舞台劇中最難並非演戲，而是要壓抑自己的情緒，他說：「因為o係好多位我o地都好想喊，導演都叫我o地唔好喊咁多，唔想太煽情。」

雖然舞台劇的口碑十分好，不過他們決定不會加場，只考慮稍後推出DVD，至於一峰則會推出原聲大碟，好讓更多觀眾能跟他們一起「拯救地球」。