林一峰、蘇玉華下月將合演音樂劇《你今日拯救o左地救未呀？》，日前忙於綵排，雖然二人是初次合作，但綵排時表現合拍，蘇玉華還大讚林一峰有音樂才華，她還可以哼出林一峰的多首經典歌，對林一峰能在音樂劇中唱歌，她大表羨慕，即場向導演要求加唱歌環節，讓她一展歌喉。

身為資深音樂劇演員的蘇玉華，就拒絕教林一峰演戲，她認為演技是靠演員本身的發揮，她謙虛地說：「以音樂劇o黎講，我都係新人o黎o架，演戲係靠互動刺激對方o既潛能，唔可以夾硬o黎，都係靠演員自己發揮，否則演員o既演技唔會有進步。」在旁的林一峰也同意蘇玉華所說，故他自言要動勤力練戲，不可偷懶，因為他不想成為全組演技最差的演員，影響整隊演員的演出而「陀衰家」。

輕鬆講死

林一峰還會為音樂劇作歌，早前他到新加坡欣賞演唱會時，順道在當地尋找創作靈感，結果他作了一首講死的歌曲，他說：「我在音樂劇中扮傻佬，成日發夢變成超人，為o左表達到我個人思想神化，所以我作o左一首講死o既歌，以輕鬆o既手法講俾人聽，其實死唔係咁恐怖，因為人人都會死。」