蘇玉華不但演技出色，原來廚藝也一樣了得，她的「威水史」包括中學時試過兩年考獲家政全級第一名，其實阿蘇自幼便對烹飪深感興趣，讀中學時，因為父母都要出外工作，姐姐又要忙於讀書，加上她最愛玩「煮飯仔」，所以「伙頭將軍」一職就落在她身上，負責每日全家伙食。

享受煮和食的過程

阿蘇認為女孩子要有一技傍身，雖然她今次示範整意大利芝士餅，但其實她最擅長整意大利粉。她說：「我平時會儲埋一堆資料，然後返到屋企就自己試。我好勇於嘗試o架，男友同我都做o左白老鼠，我雖然有天份，但都唔夠我大家姐叻。佢出外邊食o野，睇o下個樣，食完就可以知道點整，佢食一次就可以整番出o黎，其實烹飪係一種藝術，係值得我o地享受煮同食o既過程。」阿蘇喜歡煮食，當然連烹飪節目也一樣喜歡欣賞，她現希望可以像前輩黃淑儀般出食譜，跟大家分享煮食心得及樂趣。