昨日嘉良參與新劇《男女之間》開鏡﹐談及五月約滿無線﹐他不諱言外間有好多公司找他﹐而他稍後會開始與無線傾續約。他說很多朋友都叫他出外拍劇﹐但公司對他很好﹐一切仍有待雙方慢慢傾。若然連他這位「一哥」都離巢的話﹐可能會令軍心動搖﹖嘉良說﹕「我冇咁大影響力﹐無線無邊個都得﹗（究竟續約成數有幾高﹖）都未開始傾。（會要求加人工嗎﹖）係人都會有咁要求。」

　有傳他的年薪是一百萬﹐張家輝離巢時卻不及他一半﹖嘉良說﹕「家輝都有打電話畀我話唔好意思拖我落水﹐但我相信唔關佢事。根本大家都未必知大家o既價錢﹐我都唔知係咪最高﹗至於『一哥』只係人o地叫﹐o係無線個個一線小生都係一哥。」

　在《男女之間》與蘇玉華､苑瓊丹都有接吻戲﹐他說拍劇多與女演員嘴﹐但拍《七姊妹》卻未嘴過佘詩曼﹐他笑說是遺憾。