2018年1月10日


東網 on.cc

藝人蘇玉華、朱晨麗(朱朱)、黃浩然、陳凱琳、龔嘉欣、劉江等人於元朗錦田出席無綫新劇《平安谷之詭谷傳說》宣傳活動,一眾女藝人挑戰用長嘴茶壺向劉江及黃浩然斟茶,搞到二人濕晒身,場面搞笑。

蘇玉華於活動上表示此劇可算是她代表作之一,她與朱晨麗接受訪問時說:「一條封建村落裏面男人至上,女人受盡壓迫,好多唔公平嘅嘢。我覺得呢個題材幾新穎,又要讚吓監製,因為搵啱演員去做個角色其實已經成功咗一半,高層睇完都覺得好好睇,好有追看性。開頭我令佢(朱朱)嗰仔難產死咗,佢一路唔妥我,到我發現原來嗰BB唔係佢同劉江,之後整死佢。」問到是否對收視有信心,她說:「收視好難講,但係對戲本身嗰品質好有信心。」

朱朱透露於劇中會有寸蘇玉華的戲份,問到會否感到壓力,朱朱說:「我同佢同劉江最多戲份,初頭都好大壓力,因為我好鍾意佢,好鍾意睇佢啲戲。每一次同佢拍都係學習緊,佢坐喺度眼神都會交戲。對對吓都覺得過癮,係一個學習機會,今次合作好開心。」

 

 


蘇玉華開心新作獲高層稱讚:成套劇都有火花

星島日報

 

蘇玉華、黃浩然、朱晨麗、龔嘉欣、陳凱琳及劉江等,宣傳無線劇集《平安谷之詭谷傳說》,各人以劇中造型現身。阿蘇相當喜愛《平》劇,更大讚監製選角獨到,令整套劇都有微妙火花。她說:「好開心知道有高層睇過都話好好睇。」談到收視,阿蘇坦言未能控制,但她誠意推介《平》劇,稱劇力萬鈞甚有追看性。

劇中朱晨麗跟阿蘇有很多對手戲,二人針鋒相對。問到朱晨麗可感壓力?她笑說:「我本身好鍾意阿蘇,會睇佢演戲學嘢。初時戲中要寸佢都有壓力,但慢慢就覺得好有趣。好似阿蘇交個波畀我,我就要交返個波畀佢咁。」

 


蘇玉華視為代表作 朱晨麗片場偷師

明報

蘇玉華與朱晨麗今日以無綫新劇《平安谷之詭谷傳說》造型,到元朗宣傳造勢。蘇玉華坦言此劇是其代表作,大讚題材新穎,講在封建社會女人受盡壓迫,她們最後決定一起反抗,「我要讚監製今次選角好,搵啱演員已是成功的一半,知道高層睇完都覺得好睇,有追看性。拍攝時雖然很辛苦,但大家都很努力,希望觀眾喜歡。(對收視有信心?)很難講,但對品質有信心。」

朱晨麗於劇中為報恩嫁給劉老師(劉江),入門後發現很多事情,因此與蘇玉華有很多爭吵場面,會常冷嘲熱諷。至於與阿蘇鬥咀是否很大壓力?朱晨麗說:「初頭很大壓力,因本身很喜歡看她演戲,所以開工時都有偷師,留意她的動作,她連坐都很有戲,還有同劉老師對手戲都多,大家戲來戲往很過癮,是很好的學習機會。」


蘇玉華激鬥阮兆祥

am730 (截錄)

// 同場的蘇玉華直言很喜歡這部劇,「係我其中一個貼堂作品,的確係好好嘅劇本同角色,以及有一班好嘅合作夥伴,過程辛苦,但好享受。」她又笑言跟阮兆祥有很激烈的復仇戲,「拍完好攰,我休息咗兩日!嗰場戲我要咬佢,又怕整傷佢。」而阮兆祥就開玩笑指:「係肉搏戲、打鬥戲,唔係愛情動作戲!」//